ମେଷ
ଆଜିର ଚନ୍ଦ୍ର ଆପଣଙ୍କ ଉଦ୍ୟମକୁ ଚରିତାର୍ଥ କରାଇବାରେ ସହାୟକ ହେବ ା ଉଚ୍ଚମନ, ଉକତ୍ୃଷ୍ଟ ବିଚାରଧାରା, ପାରିବାରିକ ସହଯୋଗରେ କାମ ହାସଲ କରିବାରେ ମଧ୍ୟ କିଛି ଅସୁବିଧା ହେବନାହିଁ। କର୍ମକ୍ଷେତ୍ରରେ ଅନ୍ୟମାନଙ୍କ ମତକୁ ସମ୍ମାନଦେଇ ପ୍ରଶଂସିତ ହେବେ ଏବଂ ସାମାଜିକ ସ୍ଥିତି ମଧ୍ୟ ଭଲ ରହିବ।
ବୃଷ
ଶୁକ୍ର ସହ ଚନ୍ଦ୍ର ଧନସ୍ଥାନରେ ରହିଥିବାରୁ ଆଜି ଯେମିତି ଯାହା ଚାହୁଁଛନ୍ତି ତାହା ନିଶ୍ଚିତ ପାଇବେ। ଆପଣଙ୍କ ଚିନ୍ତା ଓ ଯୋଜନାନୁଯାୟୀ ପ୍ରତ୍ୟେକ କାମ ମଧ୍ୟ ଠିକ୍ ସମୟରେ ସମ୍ପନ୍ନ କରିବାରେ ଅସୁବିଧା ହେବନାହିଁ। କର୍ମକ୍ଷେତ୍ରରେ ଉପର ଅଧିକାରୀମାନେ ଆପଣଙ୍କ ପ୍ରତି ସହାନୁଭୂତି ପ୍ରକାଶ କରିବେ।
ମିଥୁନ
ଆଜି ଅର୍ଥ ସମ୍ପର୍କକୁ କେନ୍ଦ୍ରକରି ମତାନ୍ତର ସୃଷ୍ଟିହେବ। ପ୍ରତ୍ୟେକ କ୍ଷେତ୍ରରେ ପାଇବେ ଯେତିକି ତାଠାରୁ ଅଧିକ ଦେବାକୁ ପଡ଼ିବ। ଅବଶ୍ୟ ନିଜ ସଂସ୍ପର୍ଶରେ ଆସୁଥିବା ଲୋକଙ୍କୁ କଅଁଳିଆ କଥା କହି ମନେଇବାରେ ସମର୍ଥ ହେବେ। କର୍ମକ୍ଷେତ୍ରରେ ଧୈର୍ଯ୍ୟର ସହ ସମସ୍ୟାର ମୁକାବିଲା କରନ୍ତୁ , କିଛି ସମୟ ପରେ ସଫଳତା ମିଳିବ।
କର୍କଟ
ପ୍ରତ୍ୟେକ କ୍ଷେତ୍ରରେ ପରିସ୍ଥିତି ଓ ପରିଣାମକୁ ଦେଖତ୍ କାମ ନ କରିଲେ ଓଲଟା ଫଳ ପାଇବେ। ଅନୁସନ୍ଧାନ ନ କରି କୌଣସି ସିଦ୍ଧାନ୍ତରେ ଉପନୀତ ହେବା ଠିକ୍ ହେବ ନାହିଁ। ହଠାତ୍ ଆବଶ୍ୟକତା ପୂରଣ କରିବାକୁ ଯାଇ ଋଣ କରିବାକୁ ମନସ୍ଥ କରିପାରନ୍ତି। ସାମାଜିକ ସ୍ତରରେ ଗଠନମୂଳକ କାଯର୍ୟରେ ନେତୃତ୍ୱ ଗ୍ରହଣକରି ଉଚ୍ଚ ପ୍ରଶଂସିତ ହେବେ ା
ସି˚ହ
ଅଭାବବୋଧ ଲାଗି ପାରିବାରିକ କ୍ଷେତ୍ରରେ ଅନ୍ୟମାନଙ୍କୁ ସନ୍ତୁଷ୍ଟ କରିପାରିବେ ନାହିଁ। ଭଲ କରିବାକୁ ଯାଇ ସମସ୍ୟା ଭିତରକୁ ଟାଣିହୋଇ ଯିବାକୁ ପଡ଼ିପାରେ ା ଅତୀତ ଘଟଣାକୁ ବାରମ୍ବାର ଚିନ୍ତାକରି ମାନସିକ ଅଶାନ୍ତି ଅନୁଭବ କରିବେ। ବ୍ୟବସାୟ କ୍ଷେତ୍ରରେ ପ୍ରତିବନ୍ଧକର ସମ୍ମୁଖୀନ ହୋଇପାରନ୍ତି।
କନ୍ୟା
କର୍ମସ୍ଥ ଚନ୍ଦ୍ର ସାଙ୍ଗକୁ ଶୁକ୍ରଙ୍କ ସ୍ଥିତି ମନରେ ଉତ୍ସାହ ଭରିଦେବ। ଆଜି ସମସ୍ତ କାର୍ଯ୍ୟ ସହଜ ଓ ସୁବିଧାରେ ସମ୍ପନ୍ନ ହୋଇପାରିବ । କିନ୍ତୁ ଯାହାକୁ ନିଜର ବୋଲି ଭାବିବେ ସେହି ବ୍ୟକ୍ତି ହିଁ ସରଳତାର ସୁଯୋଗ ନେବାକୁ ପଛାଇବେ ନାହିଁ। ବାଣିଜ୍ୟ, ବ୍ୟବସାୟ , ପରିବହନ, ପ୍ରଶାସନ, ମାଲିମକଦ୍ଦମା ଓ ପ୍ରତିଦ୍ୱନ୍ଦ୍ୱିତା କ୍ଷେତ୍ରରୁ ସୁଫଳ ପାଇବେ।
ତୁଳା
ଆଶାନୁରୂପ କାର୍ଯ୍ୟ ହାସଲକଲେ ମଧ୍ୟ ମନର ଭାବାବେଗ ମନକୁ ଅଶାନ୍ତ ରଖିପାରେ। ସାମୟିକ ଶାରୀରିକ ଅସୁସ୍ଥତା ସତ୍ତ୍ୱେ ଘରକାମ କରିବାକୁ ବାଧ୍ୟ ହୋଇପାରନ୍ତି। ବନ୍ଧୁ ନିକଟରେ ସତ୍ୟ ପ୍ରକାଶ କରିବା ହେତୁ ଭୁଲ୍ ବୁଝାମଣା ପରିସ୍ଥିତି ସୃଷ୍ଟିହେବ। କେତେକ କ୍ଷେତ୍ରରେ ଭଲକୁ ମନ୍ଦ ଜ୍ଞାନରେ ଗ୍ରହଣକରି ମାନସିକ ସନ୍ତୁଳନ ହରାଇବେ।
ବିଛା
ଆଜି ଶୁକ୍ର ମନକାରକ ଚନ୍ଦ୍ରଙ୍କ ସହ ରହି ଆପଣଙ୍କୁ ବିଳାସପିୟ କରାଇବେ। ମୁଖ ଶନିଙ୍କ ପ୍ରଭାବରୁ ପ୍ରତ୍ୟେକ କ୍ଷେତ୍ରରେ ଯାହାକହିବେ ଅବଶ୍ୟ ମାପିଚୁପି କହିବା ଭଲ ହେବ। ସହକର୍ମୀଙ୍କ ସହଯୋଗରେ ମନାନ୍ତରର ସମାଧାନ ହୋଇଯିବ। ପାରିବାରିକ ଜୀବନରେ ଉଚିତ ବୁଝାମଣା ରହିବାରେ ବ୍ୟତିକ୍ରମ ସୃଷ୍ଟି ହୋଇପାରେ।
ଧନୁ
ମନର ଗୋପନକଥାକୁ ଅନ୍ୟ ସମ୍ମ୍ୁଖରେ ପ୍ରକାଶକରି ସମସ୍ୟାକୁ ଆମନ୍ତ୍ରଣ କରିପାରନ୍ତି। ପରୋକ୍ଷ ଶତ୍ରୁତା କାରଣରୁ କୌଣସି କାମ ଶୃଙ୍ଖଳିତ ହେବାରେ ସମସ୍ୟା ଦେଖାଦେଇପାରେ। ବାଣିଜ୍ୟ,ବ୍ୟବସାୟ ଓ ପରିବହନରେ କେତେକ ଆଧୁନିକୀକରଣ କରିପାରନ୍ତି। ନିର୍ମାଣ କ୍ଷେତ୍ରରେ ଆବଶ୍ୟକ ଜିନିଷ ଅଭାବରୁ କାର୍ଯ୍ୟ ସ୍ଥଗିତ ରହିପାରେ।
ମକର
ଆଜି ଯାତ୍ରା ସ୍ଥଗିତ, ବାଣିଜ୍ୟରେ ପ୍ରତିବନ୍ଧକ ଏବଂ ସ୍ତ୍ରୀଙ୍କ ସହ ମତାନ୍ତର ସୂଚନା ରହିଛି। କଠୋର ପରିଶ୍ରମଜନିତ କ୍ଳାନ୍ତି ଅନୁଭବ କରିପାରନ୍ତି। ବନ୍ଧୁମାନେ ଭୁଲ୍ ବୁଝାମଣାବଶତଃ ଛୋଟ କଥାକୁ ବଡ଼କରି ସମସ୍ୟା ଭିତରକୁ ଟାଣିନେବା ଆଶଙ୍କା ରହିଛି। ଖଳଲୋକଙ୍କ କାନକୁହା କଥାରେ ପାରିବାରିକ ଅଶାନ୍ତି ଉପୁଜିପାରେ।
କୁମ୍ଭ
ସହକର୍ମୀ କିମ୍ବା କୌଣସି ଅନ୍ତରଙ୍ଗ ବନ୍ଧୁଙ୍କ କାମରେ ଅଧିକାଂଶ ସମୟ ବ୍ୟୟିତ ହୋଇପାରେ। ଘରେ ଅଶାନ୍ତି ପୂର୍ବପରି ଲାଗିରହୁଥିବା କାରଣରୁ ମନ ଭଲ ରହିବ ନାହିଁ। ସ୍ବାସ୍ଥ୍ୟାବସ୍ଥା ଭଲ ଦିଗକୁ ଗତି କରିବାରୁ ଆଶ୍ୱସ୍ତି ଲାଭ କରିବେ। ଅଫିସ୍ କାଯର୍ୟ ତ୍ୱରାନ୍ବିତ ହେବ ଏବଂ ସମସ୍ୟା ଦୂରେଇଯିବାର ପୂର୍ବ ସୂଚନା ପାଇ ଖୁସି ହୋଇପାରନ୍ତି।
ମୀନ
ଆପଣଙ୍କ ଲୋକପ୍ରିୟତା ଓ ନୂତନ ବନ୍ଧୁ ସମ୍ପର୍କ ପ୍ରତି ଅନ୍ୟମାନେ ଈର୍ଷାପରାୟଣ ହୋଇପାରନ୍ତି। କାର୍ଯ୍ୟବ୍ୟସ୍ତତା କାରଣରୁ ପରିବାର ପାଇଁ ଆଜି ବେଶି ସମୟ ଦେଇପାରିବେ ନାହିଁ। ବୃତ୍ତି, ବାଣିଜ୍ୟ, ଆଲୋଚନା, ଆନୁଷ୍ଠାନିକ କାମ ଭଲ ରହିବ। ସାହିତ୍ୟ, ସାମ୍ବାଦିକତାରେ ସଫଳତା ସାଙ୍ଗକୁ ବନ୍ଧୁମିଳନର ସମ୍ଭାବନା ମଧ୍ୟ ରହିଛି।
